(1)
Waqt ne jab kisi zaalim ko hukoomat di hai
Mujhko haalaat ne lehje mein baghawat di hai
Jazba-o-josh-e-sadaqatne ye hiddat di hai
Aanch alfaz men, izhar mein shiddat di hai
Pesh qadmiki tawaqqo thi bahut, dushman ko
Han ne paspaai ke harbe se hazeemat di hai
Kucch tokaam aa gaya aakhir ko mira pagal-pan
Mujh ko patthar diye lekin tajhe shuhrat di hai
Wo lutaata hai bahut uns-o-wafa logon par
Rab ne daulat dil-e-Muslim ko bakasrat di hai
· ** * * * * * * * * * * * * * * * * * * ** * * * * *
Bar mahal sheron mein alfaaz ki san’at di hai
Mujh ko parwaz-e-takhayyul ne ye hirfat di hai
Aap Urdu ke mukhalif hain magar sach yeh hai
Aap ke lehje ko Urdu na halaawat di hai
Mulk ko is ne hi tahzeeb sikhai hai nayee
Jis pe naazaan hain Sabhi aisi saqafat di hai
Dushmanon ko bhi bhagaane men madadgaar hui
Jang-e-azadi ke naron ko bhi taqat di hai
Naaz Muslim ko hai Urdu pe ke sab se pehle
Khitta-e-Hind ko is ne hi sahafat di hai.
· ** * * * * * * * * * * * * * * * * * * * * ** * * * ** * * * *
Shukr kar rab ka ke deedar ki jannat di hai
“Dekhne ko teri aankhon mein basaarat di hai
Yaar uthh kar na chalaa jaye kaheen pehloo se
Is liye baat ko kucch aur tawaalat di hai
Sharm se hont sile hain ye pata hai hamko
Ham ne kab aap ko izhaar ki zahmat di hai
Jo jazar bhar ke use dekhe gaa jal jaayega
Uske chehre ne to Sooraj ko tamazat di hai
Jab habut bol chukka wo to ye Muslim se kaha
Shukr hai rab ka ke kam-goi ki aadat di hai.
(2)
Sochiye kis ne ye sailaab ki aafat di hai
In hawaadis ko khud insaan ne Dawat di hai
Hashr hoga yahi fitrat se agar kheloge
Uttarakhand meN qudrat ne naseehat di hai
Apne aamaal se too us ko jahannam na banaa
Tujh ko Allah ne kuhsaar ki jannat di hai
Daali-daali ko wahaan us ne samara-baar kiya
Sabza-o-gul ki saughaat nihayat di hai
Kuchh ziyadaa naheen itnaa hi kahe gaa Muslim
Us ko zahmat na banaa-o ke jo rahmat di hai
***************************** ****************
Us haseeN pal meN teri yaad ko Dawat di hai
Jab bhi ham ko kabhi haalaat ne muhlat di hai
Gosha-e-qalb men bas jaane ki Dawat di hai
Aaj un aankhon ne hum ko ye ijaazat di hai
Umr bhar ishq ne masroof rakha hai hum ko
Aazmane ki liye husn ko fursat di hai
Baat jab nikli hai zaalim ki sanaa-khwani ki
Hum ne chup reh ki bhi dunyaa ko naseehat di hai
Dekhta hai wo jidhar too hi nazar aata hai
Chashm-e-Muslim ko yeh ulfat ne karaamat di hai
********************** ****************
Naat-goi ki is aajiz ko sa’adat di hi
Yaani duniya hi meN tahreek-e-shafa’at di hai
Azmat Islam ko aur kufr ko la’nat di hi
Ek bande ne kuchh is tarha shahadat di hai
Sab se achhi hain ibadaat durood aur salaam
In ibadaat ne jannatki zamaanat di hai
Qabile-e-rashk hain woh log jinheN duniya meN
Aalam-e-khwab meN Aaqa ne Bashaarat di hai
Loot le aaj too rahmat ke khazaane Muslim
Aaj Allah ne taufeeq-e-nadaamat di hai
Babur Ali Asad
w a a a a a h kiya Khubsurat Radeef ista,al kiya hay or Qafiya or Radeef k Tlazmay nay behtreen bana diya hay ghazl koi bohat si Daaaad
Haris Bilal
waaaaaaaaaaaaaaaaaaaaaaaaaaaaaaaaaah kiya baaat hy sir……….. boht khobsurat Mashallah………..
Shayar Ashok Mizaj Badr
wah wah maza aagaya
Gayas Pasha Jagirdar
wah
Ziyad Hussain
bhut khub
Farhan Mirza
bahot khub Janab
Naz Muzaffarabadi
Wah bohat khoob
Adnan Bin Zia
waah waaah masha alllah la jawab sir
Azhar Iqbal Azhar صورت ِ درویش مستعمل ہے۔۔۔۔۔۔۔۔۔۔۔۔۔۔۔۔باقی بہت عمدہ اشعار ہیں۔۔۔۔۔۔۔لاجواب
Javed Mansuri
bahuthi khoobsurat line….likhi hai….gud 1..
Zareena Khan
bohat umda ………… kya kehne
Majeed Taj Baloch
Bahut umda. Bahut khoob
Log afsurdaa they ham
unko hansaane nikle
Majeed Taj Baloch
Maqtah to laajawab hay sir.
Log phirte hain yahaan
bhes badal kar Muslim Shakl-e-darwesh men ab
kaun na-jaane nikle
Kaamran Zia s
ubhan allah
Sher Bahadur Akhtar baut
umda,,,kiya kehne…..matla aur makte to lajawab hai,,
Abu Obaida Azmi
Waah bahot khoob
Iftikhar Falak
Umda Muslim Bhai…. G.o… bht G.o
Suhail Ahmad Azmi •
bahut umda sher hai ap ka waaaaaaaaaaaaaaaaaaaaaaaaaaaaaaaaaaaaaaaaaaaaah