URDU AUR MUSLIM SALEEM BY ZIA SHAZAD SHAHZAD

QUDRAT HAMESHA URDU PAY JO MEHRBAAN RAHI
PHOOLI PHALI, DILON PAY SADAA HUKMRAAN RAHI

 MUSLIM SALEEM JAISON KA SAARA HAI YEH KAMAAL
ZINDA HAR EK DAUR MAIN URDU ZABAN RAHI

 MUSLIM KA AUDHNA BHI BICHHAUNA BHI URDU HAI
MAHBOOBA UKI URDU RAHI, JAAN-E-JAAN RAHI

 KYA KYA NA DAUR GUZRE HAIN URDU ZABAAN PAR
LEKIN YEH SANBHLI GARCHE BAHUT NATAWAAN RAHI

 RAKH DEN KOI BHI NAAM MAGAR URDU, URDU HAI
BANDISH KAY BA-WUJOOD YE WIRD-E-ZABAAN RAHI

 GHALIB HAI ISHQ-E-URDU, HAI IQBAL BHI BALAND
MUSLIM KAY DAM SAY URDU JAWAAN, AASMAN RAHI

 SHAHZAD KAASH MAIN BHI MAHAK JAAOON MISL-E-GUL
URDU MERI ZABAAN, MERA GULSITAAN RAHI